في زمن المتناقضات عايشين

في زمن المتناقضات بئينا عايشين

ناس يقولوا متدينين وتسمعهم بيسبوا الدين

في العربيات يشغلوا قرآن

بصوت عاااالي يخرم الودان

وكأنهم بكده عملوا اللي عليهم أمام الرحمن!

واتفرج علي أخلاقهم أبعد ما تكون عن القرآن

يعني عادي ممكن يجيبوا في سيرة فلان أو علان

تلاقيه بيسمع في خطبة وعلي الناس يغلي الأجرة

هو احنا مش شعب واحد يعني بعضنا ببعض؟

طب ليه مش حاسين ببعض؟

وليه قلبنا مش علي بعض؟

***

ناس عندهم الدين طقوس وأوراد وعبادات

حصروا الدين في الشكليات

مع أن نبينا بُعِث عشان يتمم مكارم الأخلاقيات

حتي الصغيرين لما تسألهم إزاي ربنا يحبنا؟

يقولوا: نصلي علي رسولنا وكمان نصلي السنة

كلام جميل لكن مش هو ده بس ديننا

***

نقول لولادنا: العري حرام

واللي بالي بالكم شغالين مهرجان ورا مهرجان

السينمائي الدولي وكمان كان

وطاحنينهم في المذاكرة طوال العام

واللي بيتكرموا ويتلمعوا للأسف هم العوالم

وكل فين وفين لما نكرم عالم!

وهم اللي بيطلعوا باردوا في الإعلانات

عشان هم اللي بيزودوا للإعلان المشاهَدات

مش عاوزين ولادنا ياخدوا الناس دول قدوات

مع إننا قاعدين طول اليوم قصاد المسلسلات!

وهم باردو اللي بيطلعوا في الحوارات

وهم باردو اللي صورهم متعلقة علي محلات النظارات

ويا خوفي لاينزلوا يوم من الحنفيات!

***

عاوزين ولادنا ميكدبوش علينا

واحنا نازلين كدب علي بعضينا

ونقول لولادنا: حاضر عشان من زنهم نستريح

وزي ما المثل قال: كلمة حاضر تريح

نقول لولادنا: الصوت مايعلاش

واحنا صوتنا مابيوطاش

عايزينهم يبئوا بينا بارين

طب احنا اديناهم حنان؟

عايزين ولادنا ناجحين

وبعدين نقول لهم: يا فاشلين!

عايزينهم يبأوا أذكياء

واحنا بنقول لهم: يا أغبياء!

***

ولو كل واحد بص في نفسه هيلاقي كتير متناقضات

وفي الآخر أقول: الإصلاح يبدأ دائماً من الذات

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s