احيـِهم

أختار لحمة ولا كافيار ؟؟

محتار أوى مش عارف أختار

أؤكل محمد ولا مختار ؟؟

محتارة أوى مش عارفة أختار

ده اللى بتقوله أم من الصومال

ومن عينيها الدموع نازلة أنهار

وقلبها من جوه قايد نار

وابنها قصاد عينيها بينهار

دول صايمين ليل نهار

ومش بمزاجهم ده إجبار

وأنت بتاكل افتكرهم

افتكرهم وادعُ لهم

افتكرهم وقل: عملت إيه عشانهم؟

بقى ينفع ناس من الجوع تموت..

واحنا قاعدين هنا فى سكوت؟!

وأنت بتفطر ادعُ لهم دعوة

ومتقولش وأنا مالى.. ماليش دعوة!

وبين الناس انشر الدعوة

اتبرع بوقتك وجهدك أو مالك

اعمل حاجة عشان ربنا يبارك

متقولش احنا فى إيه ولا إيه؟!

ما احنا فينا اللى مكفينا

مش هم دول المسلمين

مش هم دول المصريين

مش هم دول البنيآدمين

وعلينا نرتب الأولويات

هو احنا هنؤكلهم كل السنوات؟!

دى نفس واحد تحييها

كأنك أحييت البشرية جميعا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s