أوضة مكيفة

حياة مزيفة

كأنها أوضة مكيفة

على الفيس عاوز يبان دمه خفيف

وأمير الثقافة وابو العريف

وده فى التليفزيون طالع يهتف بحب مصر

ويسقط الفساد يسقط الفقر

وهو أساساً ساكن فى قصر

ولا هو حاسس بأهل مصر

بيلمعوا ناس ويقولوا عليهم نجوم

وفيه طفل مخترع قاعد فى البدروم

وشاب شغال ليل نهار

علشان بلده على رجليها تقوم

معاملاتنا مع بعض كمان مزيفة

فى وشك تلاقيها بتبتسم

ومن ورا ضهرك تقول: يا سم!

حتى أنا بقيت زايف

وعن نفسى بابعد

وقلبى خايف

خايف يحب.. خايف يكره

خايف يزعل.. خايف يفرح

وخايف يقول أنا خايف

نفسى أعيش حياة حقيقية

حياة فيها حب حقيقى

والاقى شريك حياتى ورفيقى

نفسى مع بعض نبقى فريق

وكل واحد للتانى صديق

نفسى أحس بالإخلاص

يملانى ويملى كل الناس

نفسى النجوم الحقيقية تلمع

والنجوم المزيفة لورا ترجع

نفسى أحس بالأمان

نفسى أحس بالحنان

نفسى أحس بالفرح

وأقدر أقول أنا زعلان

ونفسى ربنا يقدرنى على الغفران

باختصار.. نفسى ألاقينى بجد

وألاقى جواك وجوايا الإنسان

زيف.. زيف.. زيف

تعبت يا ناس!

ونفسى اتنفس هوا نضيف

واعيش فى الهوا النقى

من غير دفاية ولا تكييف

One response to “أوضة مكيفة

  1. عارفة اوقات تحسي انك مش تبع العالم ده او الاخلاق والمبادئ اللي اتعلمتيها ديه للتعامل مع اسرتك لكن العالم الخارجي لازم الواحد يتعلم اخلاق وتصرفات وحسابات تانية وان الواحد اللي اتربى عليه بقى حاجة غريبة مشفتهوش غير في اماكن قليلة انس والميدان ومع ناس معينة دفاية ذاتي تحطيها حواليكي ومحدش ينفع يدخلها غيرك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s