أشياء صغيرة

شاهدت هذا الفيديو اليوم فأوحى إلىّ بهذه الأبيات:

———————————-

السعادة…

غاية بيسعى ليها الإنسان

ممكن تلاقيها فى صوت إقامة صلاة.. بتطرب الآذان

أو صوت بلبل بيغرد

أو صوت عصفور التسابيح بيردد

ممكن تلاقيها فى الشمس تلون السحاب

أو صوت الأدان والسما مفتوح فيها كل باب

أو فى لمة خير مع أهل أو صحاب

ممكن تلاقيها فى عصفورة صغيرة بتتنطط ع الشجر

أو نسمة هوا بتحرك ورق الشجر

أو فى السما بينورها القمر

ممكن تلاقيها فى عامل بيشتغل ومالياه الهمة

أو فى وش طفل عليه بسمة

أو فى خدك بتخبطه نسمة

نسمة هوا ساقعة

أو نجمة بعييييييييدة.. فى السما لامعة

أو تواشيح بتتقال بالليل فى الراديو.. وأنا قاعدة سامعة

ممكن تلاقيها فى دمعة

أيوه دمعة

دمعة صدق نازلة من عين صديق

أو حبة شغل بإخلاص مع أحلى فريق

السعادة…

فى حاجات صغيرة ممكن نلاقيها

بس قلوبنا نصفيها

من الكره.. من الأحقاد.. من الحسد نفضيها

السعادة…

فى حاجات صغيرة ممكن نلقاها

بس أحزاننا ننساها

وقلوبنا.. بالحب نملاها

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s